Бишкек шаарында жылуулук берүүнү калыбына келтирүү иштери жүрүп жатат. Бул тууралуу ыкчам штаб билдирүүдө.
Маалыматка ылайык, бүгүнкү күндө Ленин районунда көп кабаттуу үйлөрдө жашаган «Бишкекжылуулукэнерго» коммуналдык ишканасынын 727 абонентине, ошондой эле 3 мектеп жана 1 бала бакчага жылуулук берүү толук калыбына келтирилди.
Бул объектилер Пишпек районунда жана Ош базарына жакын жайгашкан. Температуралык режимди жакшыртуу боюнча иштер активдүү жүрүп жатат. Көп кабаттуу үйлөрдө орточо температура турукташып, жылуулук менен камсыздоо динамикасы жогорулап жатат.
Социалдык мекемелерде да температура режими толук көзөмөлдөнүүдө. “Бишкек электр тармактар ишканасынын кызматкерлери бардык бузууларды жоюп, күчөтүлгөн тартипте иштеп жатышат”, — деп айтылат маалыматта.
