Бир адам акылманга суроо берди:
– Эмне үчүн кедейлер башкалардын бактысыздыгына боор оорушуп, жардам беришет, бирок байлар андай эмес?
«Терезеден карачы, эмне көрүп жатасың?» – деп жооп берет акылман.
– Көп нерселерди: дарактар, булуттар, көчөдө балдар ойноп жатышат.
“Эми күзгүгө кара, – деп улантты, – анда эмнени көрүп жатасың?”
– Албетте, өзүмдү.
– Эми түшүндүңбү? Сен жөнөкөй айнектен карап, айлана- тегерегиңди дүйнөнү көрдүң. Бирок бир аз күмүш сыйпап койсо, өзүңдөн башканы көрө албай каласың.
