Министрлер кабинетинин төрага орун басары Эдил Байсалов өлкөдөн качып кеткен экс-бажычы Раимбек Матраимовдун каражатына курулган Муфтияттын имараты боюнча комментарий берди.
“Мен азирети муфтийге айткамын, Раимбек Матраимовду баатыр кылып, динге жолотпош керек деп. Ал муфтияттын жаңы имаратын куруп жаткан жок, аны президент курдурду. Анткени, ал элдин акчасын уурдаган болчу. Ал эми президент болсо, Раимден элдин акчасын кустурду”,- деди. “Мен ушинтип айткандан кийин азирети муфтий жеткизсек керек да, мага ошондон баштап, парламенттен чабуул башталган”,- дейт.
Белгилей кетсек, Эдил Байсалов парламентти цирк деп атап, депутаттардын каарына калган. Кийин кечирим сурап, кемчилигин моюндаган эле.