“Улуу муунда уят – сыйыт бар эле. Биз улуулардан ийменип, адеп көрсөтүп чоңойдук. Азыркы жаштарда ушундай баалуулуктар калбай калды”,- деди Жогорку Соттун мурдагы төрайымы Чолпон Баекова. Ал белгилүү журналист Жылдыз Муслимованын “Тамызгы” автордук каналына берген маегинде кыргыз тилдин абалы, конституциялык түзүлүш, адам укуктары жана кабыл алынган мыйзамдар тууралуу сүйлөп берген.
“Азыркы жаштарда ар-намыс, улууну урматтоо деген сезимдер өз ордун таппай жатпайбы. Мына, октябрдагы баш аламандыкта жаштар чыгып, улуу муундагыларга кайрылып, “силер кеткиле” өзүбүз башкарабыз дебедиби. Карылар болсо, эч кимисине теңелбей басып кетти. Жыйынтыгын өзүңөр көрүп жатасыңар”,-деген.
