Бүгүн, 14-майда Түркияда президенттик жана парламенттик шайлоо өтүп жатат.
Жарандар алдыдагы беш жылда өлкөнү башкара турган президентти жана парламенттин 600 депутатын тандайт.
Жалпысынан республикада жана чет жактарда 191 миң 884 урна орнотулду. Добуш берүү аяктагандан кийин алгач президенттикке талапкерлерге берилген добуштар санала баштайт. 64 миллион түрк жараны добуш берүүгө укуктуу.
Түрк жарандары үч талапкердин бирине добуш бере алат. Азыркы өлкө башчысы Режеп Тайып Эрдоган. Алты оппозициялык партиянын коалициялык талапкери жана Республикалык элдик партиянын төрагасы Кемал Кылычдароглу. “Ататүркчүлөрдүн альянсынан” талапкер Синан Оган.
Режеп Тайып Эрдоган жеңсе, бул мөөнөт анын үчүнчү президенттик мөөнөтү болот. Биринчи жолу мамлекет башчынын кызматына 2014-жылдын августунда келген. 2018-жылдын 24-июнунда өлкөдө өткөн президенттик шайлоодо 52,59 пайыз добуш менен бул кызматка кайра шайланган.
Түркияда президенттик шайлоодо добуштардын 99 пайызы саналды
Түркияда президенттик шайлоодо Кемал Кылычдароглуга берилген добуштардын саны 45 пайызга өстү. Анын атаандашы, азыркы мамлекет башчысы Тайып Эрдоган 49,34 пайыз добушка ээ болду. Эгерде талапкерлердин бири 50 пайыз добуш алса, шайлоо биринчи турда аяктайт. Болбосо жеңүүчү 28-майда 2-турда аныкталат. Бюллетендердин 99,9 пайызы саналып бүттү. Бөлүшүү:
