Садыр Жапаров кыргызстандыктарды Орозо айт майрамы менен куттуктады

Wp Pw

Президент Садыр Жапаров бүгүн, 21-апрелде, кыргызстандыктарды Орозо айт майрамы менен куттуктады.

 

Мамлекет башчысынын куттуктоосу:

 

“Урматтуу мекендештер!

Кадырлуу мусулман бир туугандар!

 

Баарыңыздарды мусулмандардын ыйык майрамы – Орозо айт менен чын дилимден куттуктайм! Ыйык Орозо айындагы кайрымдуулук иштериңиздер жана изги ниет менен кармаган орозоңуздар кабыл болсун!

 

Ислам – сабырдуулуктун жана кечиримдүүлүктүн дини. Анын баалуулуктары улуттук каада-салттар менен айкалышып, элибиздин руханий өнүгүүсүндө маанилүү орунду ээлейт. Мусулманчылык туура жолго салып, жакшы иштер менен сооп табууга, күнүмдүк турмушта акылмандыктын, айкөлдүктүн жана токтоолуктун үлгүсү менен жашоого үндөйт.

 

Мээримдүүлүктүн, кайрымдуулуктун, кечиримдүүлүктүн айы – Рамазан айынын ийгиликтүү аякташы менен куттуктайм. Жараткан Кыргызстаныбызга береке, тынчтык жана өнүгүү берсин, элибизге сабырдуулук, биримдик, бейпилдик ыроолосун!

 

Аруу тилектерибиз, асыл ой-максаттарыбыз ишке ашсын.

 

Бүтүндөй Кыргызстан элине, ар бир үй-бүлөгө чың ден соолук, бакыт, тынччылык жана бакубат жашоо каалайм.

 

Айтыңыздар маарек болсун!”

Next Post

Дзюдочулар Катарда өтүүчү дүйнөлүк чемпионатта беттешет

Кыргызстандын спортчулары Катарда өтүүчү дүйнөлүк чемпионатка катышат.   Турнир 7-14-майда Доха шаарында өтөт.   Кыргызстан курама командасы башкы машыктыруучу Абдужалил Юнусовдун жетекчилиги астында 6 спортчу менен беттешет.