25°
Россия 18-майда Украинага Батыштын курал-жарактарын жеткирүү боюнча БУУнун Коопсуздук Кеңешинин жыйынын өткөрүүнү суранган. Бул тууралуу Россиянын эл аралык уюмдагы туруктуу өкүлүнүн биринчи орун басары Дмитрий Полянский билдирди.
Бир күн мурда Улуу Британия Украинага 250 чакырымдан ашык уча турган бир нече Storm Shadow канаттуу ракеталарын бергени маалымдалган. Лондон Киевден бул ракеталарды Россиянын терең аймагына каршы колдонбоо боюнча кепилдик алган. Бирок алар сокку уруу үчүн колдонулушу мүмкүн.
Кремлдин басма сөз катчысы Дмитрий Песков Москванын Киевге Батыштын мындай жардамына терс көз карашта экенин билдирди. «Бул биздин аскерлерден адекваттуу жоопту талап кылат, алар, албетте, аскердик көз караштан алганда, тиешелүү чечимдерди кабыл алышат»-деди.
