Кыргызстандын тунгуч президенти Аскар Акаев журналист Кадыр Кошалиевге маек берип, Президент Садыр Жапаровдун ийгилиги деп үч нерсеге басым жасады. Алар “Кумтөр” алтын кенин улутташтыруу, Өзбекстан менен Кыргызстандын чек ара тилкелеринин чечилиши, тактап айтканда, делимитация жана демаркация иштеринин жыйынтыкталышы, үчүнчүсү, Казакстан менен Өзбекстандын президенттерин Ысык-Көлгө чогултуп, келечекке бирге кадам таштоо, ынтымакта жашоо, биргеликте өнүгүү деген маанилүү документти кабыл алынышы”,- деп билдирген. Ал жалпы кыргыз элине тынчтык, бакубат турмуш каалаган.
БШКга жаңы мүчө баратат
Борбордук шайлоо комиссиясынын курамында өзгөртүүлөр болот. Жогорку Соттун чечимине ылайык, Акыл Эшимов мөөнөтүнөн мурда кызматын тапшырат. Анын ордун Алтынбек Кубатбеков ээлеши мүмкүн. Ал ИИМде жана Сотторду тандоо кеңешинде эмгектенген. Өткөн айда Жогорку Сот БШКнын учурдагы мүчөсү Акыл Эшимовду күнөөлүү деп тапкан. Ал 2020-жылы А. Д аттуу талапкерден 550 миң доллар […]
