20°
Казино боюнча мыйзам кабыл алынса, бюджетке 2 млрд сом түшөт деген Акылбек Жапаровдун убадасын эске салган депутат Исхак Масалиев Финансылык көзөмөл кызматынын төрага орун басары Марат Пирназаровдон канча каражат түшкөнүн сурады. «Былтыр депутаттардын колу — бутун кайрып, мыйзамды өткөздүңөр эле. Канча каражат түштү, ким айтып бере алат»,-деди. Ага аталган чиновник 5 лицензия берилгенин, анын ичинде букмекердик конторага 4, казиного 1, жалпысынан бюджетке 126 млн сом түшкөнүн айтты. Анын 84 млн сому 1 казинодон калган 42 млн сом букмекердик кеңселерден түшкөн.
