22°
Кытайдын тышкы иштер министри Цин Ганг 18-июнда Пекинде АКШнын мамлекеттик катчысы Энтони Блинкенди кабыл алды.
АКШнын мамлекеттик катчысы жекшембиде Пекинде эки күндүк дипломатиялык сүйлөшүүлөрдү баштады. Дүйшөмбүдө Цинь менен кошумча сүйлөшүүлөр, ошондой эле Кытайдын Борбордук комитетинин тышкы иштер боюнча комиссиясынын кеңсесинин башчысы Ван И менен, балким, төрага Си Цзиньпин менен жолугушуу болот.
Блинкен президент Жо Байден кызматка киришкенден бери Кытайга барган эң жогорку деңгээлдеги америкалык аткаминер.
Байден менен Си өткөн жылы жолугушкандан кийин жарыялаган Блинкен сапары алгач февралга пландаштырылган. Бирок ал АКШдан кытайлык тыңчы шар табылгандан кийин кечиктирилип, ал кезде Блинкен «сапардын максатына шек келтирген шарттарды түздү» деп айткан.
