Бүгүн, 24-ноябрда Израил менен Хамас төрт күндүк убактылуу тынчтык келишими башталды. Согушкерлер барымтадагы 13 израилдиктин биринчи тобун – аялдар менен балдарды бошоткону жатышат. Бул тууралуу чет элдик басылмалар жар салды.
Маалыматка ылайык, элдешүү жергиликтүү убакыт боюнча таңкы саат 7де (Бишкек убактысы11:00) башталып, Газа тилкесинин түндүгүндө жана түштүгүндө кеңири ок атышууну токтотууга, андан кийин барымтадагы 240тан ашуун адамдын айрымдарын бошотууга чакырат.
Газага кошумча жардам келе баштайт жана жергиликтүү убакыт боюнча саат 16:00дө (Бишкек убактысы боюнча 20:00) алгачкы барымтадагылар, анын ичинде аялдар бошотулат. Төрт күндүн ичинде алардын саны 50гө жетет, деп билдирди Катардын Тышкы иштер министрлигинин өкүлү Мажед ал-Ансари Дохада.
Барымтага алынгандардын кеминде 35и балдар, алардын 18и Хамас чабуулу маалында 10 жашта же андан кичүү балдар болгон.