Украинанын президенти Владимир Зеленский Херсонго келгенин билдирди. Ал жерде Каховка ГЭСинин кыйроосунун кесепеттерин жоюу боюнча координациялык кеңешме өткөрдү.
«Көптөгөн орчундуу маселелер бар. Кырсыктын кесепетинен облуста түзүлгөн оперативдүү кырдаал, сел жүрүү коркунучу бар аймактардан калкты эвакуациялоо, дамбанын жарылуусунан келип чыккан өзгөчө кырдаалды жоюу»,-деп жазды Зеленский Telegram баракчасына.
“Херсон облусунун экосистемасын калыбына келтирүү перспективалары, ошондой эле кырсык болгон аймактагы оперативдүү аскердик абал талкууланды. Жоготууларды эсептеп, кырсыктан жапа чеккен тургундарга компенсация төлөп берүү үчүн каражат бөлүү, облустун чегинде ишканаларды көчүрүү программасын иштеп чыгуу маанилүү»,-деп кошумчалады ал.
