22°
Дүйнөлүк коомчулук Россияга кысым көрсөтүүгө милдеттүү. Бул тууралуу Украинанын президенти Владимир Зеленский өзүнүн Telegram-каналында билдирди.
«Дүйнө эл аралык тартип орногуча Россияга кысым көрсөтүшү керек»,-деди Зеленский.
Ал бир күн мурда АКШнын президенти Жозеф Байден менен сүйлөшкөнүн кошумчалады. Зеленский Ак үйдүн башчысы менен сүйлөшүүнү позитивдүү жана шыктандыруучу деп атады.
Зеленский НАТОнун Вильнюстагы саммитине 15 гана күн калганын, Киев бийлиги бул иш-чаранын реалдуу мазмунга ээ болушу үчүн бардыгын жасап жатканын кошумчалады.
Буга чейин Зеленский Батыштан Украинанын Куралдуу күчтөрүн мындан да көп аскердик техника менен камсыз кылууну талап кылган.
