22°
1973-жылы Аксуу районунда туулуп, кызматтык тепкичтерди катары менен басып келаткан Элчибек Жантаев Ош облусуна дайындалары менен облустук имараттын ичинде кадимкидей жандуулук байкалганы айтыла баштады. Ал алгачкы эле жыйынында кызматкерлерди коомчулук менен ачык иштешүүгө буйруду. Облус бийлигинин кассасы, түшкөн акчасы, чыгашасы анын ичинде айлыктарга жана бензиндерге коротулган чыгымдардын журналисттерге ачык көрсөтүлүшүн тапшырды. Ал «коомчулук менен канчалык ачык иштешсеңер ишиңер ошончолук жеңилдейт. Биздин ишибизде купуялуулук болбошу керек»,- деди ал.
