11°
«Германиядагы Урологиялык клиниканын директору Данияр Осмонов Европада саналуу дарыгерлердин бири», — деп билдирди медицина илимдеринин кандидаты, уролог Нурбек Моңолов. 85 миллион калкы бар Германияда 35 эле Урологиялык Клиника бар. Ошонун бирин биздин мекендеш таланттуу дарыгерибиз башкарат. Хирургиялык кээ бир инструменттер Данияр Осмоновдун атын алып жүрөт жана Кыргыз дарыгеринен урологиялык дарылоо системасын АКШ, Германия, Корея жана Малайзия үйрөнүп турат. «Бирок, биз Кыргыздар гана үйрөнбөйбүз. Мындан ары алты ай сайын Кыргызстанга келип, тажрыйбасы менен бөлүшүп кетүүсүн суранып жатабыз»,-дейт белгилүү уролог Нурбек Моңолов.
