Депутатты мандатынан ажыратуу сунушталууда

Жогорку Кеңештин депутаты Жаныбек Абировдун «Золотой Дракон» ресторанында мушташкан жана белгисиз жигитти өлөрчө сабаган видеосу тарады. Социалдык тармак аркылуу жарандар бийлик өкүлдөрүнө кайрылып, депутаттын жоопкерчилигин кароо боюнча сунуштарын билдиришти. Айрым активисттер аны мандатынан четтетүү маселесин көтөрүшүүдө. Таяк жеген жигит аталган ресторандын коопсуздук кызматынын өкүлү болуп чыкты. Азыр анын ооруканага жаткырылганы айтылды. Жогорку Кеңештин регламенти боюнча депутаттын маселеси каралабы же, окуя жаап, жашырылабы?