20°
Германиянын канцлери Олаф Шольц Европарламентте сүйлөгөн сөзүндө Батыш Россиядан коркпой, Украинага жардам берүүнү улантыш керек деп билдирди.
Москвада өткөн Жеңиш парады тууралуу комментарий берип «Бийликтин мындай демонстрациясынан коркпогула! Келгиле, Украинаны колдообузда бекем бололу»,-деди Шольц.
Европа “эң күчтүүлөрдүн мыйзамы” иштеп, чакан өлкөлөр чоңураактарга баш ийүүгө аргасыз болгон мезгилге кайтып келбеши керектигин баса белгилеген Шольц «Гүлдөгөн, демократиялуу, европалык Украина — бул биздин континенттеги императордук, ревизионисттик, мыйзамсыз саясатты эң ачык четке кагуу»,-деди.
