Бишкектен Жалал-Абадга каттамдардын саны көбөйдү. Бул тууралуу “Манас” аэропортунун маалымат кызматы билдирди.
Маалыматка ылайык, 8-марттан тарта ата мекендик «Тез Жет» авиакомпаниясы тарабынан Бишкек-Жалал-Абад-Бишкек багыты боюнча кошумча каттамдар ачылды. Учуулар жумасына 7 жолу (күнүгө) аткарылат.
Эске салсак, буга чейин аталган багыт боюнча каттамдар жумасына 4 жолу — дүйшөмбү, бейшемби, жума жана жекшемби күндөрү аткарылып келген.
