Бишкекте жаңы спорт комплекси курулат

Wp Pw
0 0
Read Time:58 Second

Бишкектин борборунда жаңы спорт комплекс салынат. Бүгүн,26-мартта комплекстин курулушуна капсула салынды. Бул тууралуу Кыргыз футбол биримдигинен (КФБ) билдиришти.
Маалыматка ылайык, комплекстин жалпы аянты 3 012,44 м2 түзөт. Имаратта зал, машыгуу залы жана административдик бөлмөлөр жайгашат. Залдын жалпы сыйымдуулугу – 473 орун. Курулуш 2024-жылдын август айында аяктайт.
Капсула салуу иш-чарасына КФБге мүчөлүк кылган уюмдардын өкүлдөрү, биримдиктин кызматкерлери, ошондой эле, Азия футбол конфедерациясынын өкүлдөрү Йогеш Десай жана Рузбе Маяхи катышты. Мезгил кутучадагы келечек муунга болгон кайрылуусун КФБ президенти Камчыбек Ташиев калтырды.
“Өзүңүздөр билгендей, өлкө башчыбыз Садыр Нургожоевич Жапаров кэчээ күнү “2024–2034-жылдарга Кыргыз Республикасында футболду андан ары өнүктүрүү боюнча чаралар жөнүндө” Жарлыкка кол койду. Аталган жарлыктын чыгышы президентибиз жана мамлекетибиз тарабынан футболго спорттун бир түрү катары колдоосу күчөгөндүгүнөн кабар берет. Анда белгиленген максаттарды иш жүзүнө ашыруу өлкө футболун көзөмөлдөгөн башкы орган катары – Кыргыз футбол биримдигинин жана анын мүчөлөрүнүн түздөн түз милдети. Бул милдетти биргелешкен күч-аракеттер менен сөзсүз ишке ашырабыз!
Президенттин Жарлыгында дагы футболдун материалдык-техникалык базасынын өнүгүүсүнө басым жасалган. Башка футболдук уюмдарга үлгү болуу үчүн Кыргыз футбол биримдигинин башкы административдик кеңсеси жайгашкан территориалдык инфраструктурасы ар түрдүү объектилерди камтуусу зарыл. Андыктан, бул спорт комплекстин курулушу чоң мааниге ээ”, – деди Ташиев өз сөзүндө.

About Post Author

Wp Pw

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Next Post

Акылбек Жапаров “Яндекстин” директорун кабыл алды

Министрлер кабинетинин төрагасы Акылбек Жапаров “Яндекс” бизнес тобунун башкы директору Данил Шулейкону кабыл алды. Ал “Яндекс” тиркемесине айдоочулар үчүн автоматташтырылган салыктык отчёттуулук функциясын киргизүү сунушун берди. Өз кезегинде Данил Шулейко билдиргендей, Яндекс кызматында 100 миңден ашык кыргыз жарандары таксист болуп иштешет. Шаарда ар бир 7-адамдын бирөө яндекс кызматын колдонушат.