Акбар Кубанычбеков “Кембридж Силк Роад” мектебинде Кыргыз тил мугалими болуп иштейт. Ал аталган мектепте 7 жыл кыргыз тилин окуучуларга үйрөтүп иштеген. Каарманыбыз билдиргендей, эми ушул сыяктуу мектеп АКШнын Чикаго шаарында ачылды. Мектеп заманбап технологиялар менен курулуп, илим-билимге керектүү жабдыктар менен камсыздалган. Мектептин спорт залы, китепканасы, ашканасы, конференция өтүүчү залдары бар. Бала бакчасында жаш жеткинчектер тарбияланышат. Чикагодо жашаган мекендештерибиз балдар, кыздарын улуттук колорит менен тарбияланышын кааласа, ушул мектепте окутуусу керек. Сабактар англис тилинде жүргүзүлөт.
