26°
Эсептөө Палатасынын аудиторуна кайрадан Алимжан Байгазаков тандалды. Аны «Альянс» фракциясы көрсөткөнүн парламент жыйынында Бюджет, экономика жана фискалдык саясат боюнча комитеттин төрагасы Данияр Төлөнов билдирген. Ал эми «Ишеним » партиясы Алмазбек Тажиевдин талапкерлигин сунуштаган. Жашыруун добуш берүүнүн жыйынтыгында 75 депутат Алимжан Байгазаковдун талапкерлигин жактырды. Ал 1962-жылы Алай районунда туулган. 1981-жылы Фрунзедеги финансы экономикалык техникумду, 1989-жылы Кыргыз Улуттук университетинин экономика факультетин аяктаган.
