2023-жылы “Айыл чарбасын каржылоо – 11” долбоорун ишке ашырууга 3,3 млрд сом каралды. Бул тууралуу Финансы министрлигинен билдиришти.
Маалыматка ылайык, 20-апрелге карата бул долбоордун алкагында республиканын 2 миң 933 айылдык товар өндүрүүчүлөрүнө 1,3 млрд сом суммасында жеңилдетилген кредит берилди.
Белгиленгендей, 2013-жылдан бери КР өкмөтү тарабынан ишке ашырылып келе жаткан “Айыл чарбасын каржылоо” долбоору боюнча дыйкандарга 53 млрд сом насыя берилди. Насыялар ата-мекендик айыл чарба өндүрүүчүлөрү тарабынан өсүмдүк өстүрүүчүлүк, мал чарбачылык жана агрардык өнөр жай тармагын өнүктүрүү үчүн 123 миң 727 чарбалык субъектиге берилген.
Анын ичинен:
– “Мал чарбачылык” тармагы боюнча 34,08 млрд сом суммасында 98 404 субъект, ал кредит берүүнүн жалпы көлөмүнүн 64% түзөт;
– “Өсүмдүк өстүрүүчүлүк” тармагы боюнча 8,14 млрд сом суммасында 22 854 субъект, ал кредит берүүнүн жалпы көлөмүнүн 15% түзөт;
– “Айыл чарба өндүрүмүн кайра иштетүү” тармагы боюнча 10,85 млрд. сом суммасында 2 469 субъект, ал кредит берүүнүн жалпы көлөмүнүн 21% түзөт.
