Өмүрбек Текебаев депутат Адахан Мадумаров боюнча козголгон кылмыш иштин чоо – жайын айтып берди. Ал мындай деген: “Адахан Мадумаров Коопсуздук Кеңешинин катчысы катары протоколго кол койгон. Бул ниет деп аталат. Ошонун негизинде өкмөт текстерин даярдайт. Ага тийешелүү өкмөт мүчөлөрү кол коёт. Ошондой келишимге 2009-жылдын декабрь айында Тажик менен Кыргыз өкмөттөрү Ош шаарында кол коюшкан. Кыргызстан тараптан Нурлан Сулайманов кол койгон. Бирок, апрель төңкөрүшү болуп кетип, келишим ратификация болбой калган. Эгер ушуну кылмыш деп эсептесек анда, келишимге кол койгондорго жана парламентке алып келгендерге алгач, кылмыш иши козголушу керек”
Өмүрбек Текебаев мурдагы транспорт министри Нурлан Сулаймановго жамандыгы жок экенин айтып, ушул маселеде анын атын атабай кетүүгө такыр болбойт деп билдирди.
