“Бизде, Жогорку Кеңеште протоколдук тапшырмалар таптакыр аткарылбай турган болду. Сугат суу боюнча 14-майда протоколдук тапшырма бердим эле, дале тармактык комитеттерде карала элек. Ошондой эле ооган ардагерлеринин кенемтеси боюнча февралда маселе көтөргөмүн. Бюджет комитети дагы деле караган жок. Ушундай жоопкерчиликсиз мамиле кылгандарды жоопко тартуу керек”,- деди депутат.
Ал ооган ардагерлери боюнча президенттин указы апрелде, өкмөттүн токтому май айында чыкканын маалымдап, бирок, тийиштүү комитеттер карабай жатканына нааразычылыгын билдирди.
