“Интер Майами” клубунун жылдызы, аргентиналык чабуулчу Лионель Месси карьерасын Сауд Арабиянын чемпионатында улантышы мүмкүн.
TeamTalk маалыматына ылайык, 37 жаштагы аргентиналык футболчуга Сауд Арабиянын төрт клубу кызыкдар болууда. Бул командалардын бири – португалиялык жылдыз Криштиану Роналду ойногон “Аль-Наср” клубу болуп саналат.
Белгилей кетсек, Мессинин кызматына “Аль-Хилал”, “Аль-Ахли” жана “Аль-Иттихад” клубдары да кызыгып жатышат. Лионель Мессинин “Интер Майами” клубу менен учурдагы келишими 2025-жылдын декабрына чейин созулат.
Эске салсак, Лионель Месси бул сезондо Интер Майаминин курамында кезектеги MLS чемпионатында 13 беттеш өткөрүп, он гол киргизип, 5 ассист берген.
