Полиция Вашингтондогу израилдик дипломаттардын өлтүрүлүшүнө шектүү адамды кармады. Ал Чикагодон келген 30 жаштагы Элиас Родригес экени аныкталды. Кармоо учурунда ал «Газа үчүн» бир эркек менен аялды атып салганын айтканын CNN баш калаанын полиция башкармалыгынын башчысына шилтеме берүү менен кабарлады.
Окуя кечки саат 21:08 чамасында Столичный еврей музейинин жанында болгон. Каза болгондор Америка еврей комитети тарабынан тышкы саясат жана дипломатия тармагындагы жаш адистер үчүн уюштурулган иш-чарадан чыгып келе жатышкан.
Вашингтон полициясынын башчысы Памела Смиттин айтымында, шектүү төрт кишиден турган топко жакындап келип, тапанчадан ок чыгарган. Андан кийин музейге кирип кетип, ошол жерде коопсуздук кызматкерлери тарабынан кармалган.
Родригес мурда полицияда катталган эмес. Күбөнүн айтымында, шектүү кылмышты өзү жасаганын мойнуна алып «Мен кылдым, мен муну Газа үчүн кылдым. Палестинага эркиндик!»-деген.
Памела Смит брифингде шектүү «Палестинага эркиндик!» деп кыйкырганын ырастады.
Израилдин АКШдагы элчиси Йехиэль Лейтер CNNге билдиргендей, окко учкан эки жаш жакында үйлөнмөк. Каза болгон жигит келерки аптада Иерусалимде кызга сунуш киргизүүнү пландап жаткан.
