Жекшемби күнү орус аскерлери Сумы шаарынын борборуна сокку урду. Украина боюнча өзгөчө кырдаалдар мамлекеттик кызматы тактаган маалыматка ылайык, 34 адам каза болуп, 117си жаракат алды. Украинанын ички иштер министри Игорь Клименконун айтымында, орус аскерлери Сумыга эки жолу баллистикалык сокку жасаган. Украинанын аскердик чалгын кызматы бул «Искандер-М»/KN-23 комплексинин баллистикалык ракеталары болгонун билдирүүдө. Россиялык бийлик Сумыга болгон сокку тууралуу комментарий берген жок.
Конотоп шаарынын мэри Артем Семенихин билдиргендей, орус аскерлери Сумыга сокку урганда, 117-бригаданын тергөө аскерлерин сыйлоо аземи өтүп жаткан. Анын айтымында, бул иш-чараны Сумы облустук аскердик администрациясынын башчысы Владимир Артюх уюштурган. Бирок ага мындай иш-чара өткөрүүгө болбой турганы эскертилген. Семенихиндин айтымында, аскерлер жаракат алган эмес, анткени сокку учурунда алар жашынып калган.
Украинадагы Би-би-синин кызматы билдиргендей, сокку Сумы мамлекеттик университетинин конгресс борборуна тийген.
