“Ливерпуль” футболдук клубу анын негизги лидерлеринин бири, египеттик чабуулчу Мохамед Салах менен келишимин узартканын расмий тастыктады. Жаңы келишим 2027-жылдын жай айына чейин созулат.
Италиялык «Ромадан» кошулгандан кийин 2017-жылдан бери «Кызылдардын» курамында ойноп жаткан Салах башка командалардын азгырыктуу сунуштарына, анын ичинде Сауд Аравиясынан жылына 130 миллион фунт стерлингге жакын келишимге карабастан, клубга берилгендигин көрсөттү.
Британ басылмаларынын маалыматына караганда, жаңы келишим бонустарды кошкондо эки жыл ичинде 50 миллион фунт стерлингге бааланган. Салахтын жумалык маянасы болжол менен £480,000 деп болжолдонууда. Бул аны Ливерпулдун тарыхындагы эң көп маяна алган оюнчу жана Премьер-Лигада Манчестер Ситинин чабуулчусу Эрлинг Холанддан кийинки экинчи орунда тургандыгын көргөзөт.
«Ливерпуль» клубунун башкы машыктыруучусу Арне Слот Салахтын профессионалдуулугуна жана мыкты физикалык даярдыгына баа берди. Ал белгилегендей, египеттик команданын маанилүү элементи бойдон калууда жана кийинки сезондо негизги ролду ойнойт.
Жаңы келишими менен Салах “Ливерпуль” клубунда толук он жыл өткөрүп, клубдун легендаларынын бири катары статусун бекемдей алат. Анын калуу чечими «Кызылдардын» спорттук абалын гана бекемдебестен, трансфер рыногунда клубга салмак кошот.
