19°
Эртең, 2-июлда “ VISA TRIATHLON-2023” мелдештери Бишкектин жанындагы «Хижина Дяди Тома» эс алуу борборунда өтөт. Бул тууралуу Кыргызстандын Триатлон федерациясынан билдиришти.
Маалыматка ылайык, саат 6.40тан 14.00гө чейин боло турган бул спорттук иш-чарада профессионал жана ышкыбоздор күч сынашат. Ага Кыргызстандан жана коңшу өлкөлөрдөн 200гө жакын адам катышат.
Спорттун түрлөрү:
«Спринт» дистанциясына (кирет: 750 м сүзүү, андан кийин 20 км велосипед тебүү, анан кайра 2,5 км чуркоо): өспүрүмдөр, параатлетчилер, ышкыбоздор.
Эстафета — үч адамдан турган команда (сүзүүчү, велосипедчи жана жөө күлүк).
Суперспринт аралыкта (300 м сууда сүзүү, 8 км велоспорт жана 2 км чуркоо) U-15 категориясындагы спортчулар (12-15 жаштагы балдар) медалдар үчүн күч сынашат.
