Футзал боюнча Кыргызстандын U-14 Кубогунун жеңүүчүлөрү аныкталды

Футзал боюнча 14 жашка чейинкилер арасында (U-14) Кыргызстандын Кубогу болуп өттү. Бул тууралуу  Футзал ассоциациясынан билдиришти.

Маалыматка ылайык, мелдеш Бишкекте 20-24-июнь күндөрү өтүп, ага 8 команда катышкан. Кубоктун жеңүүчүсү болуп Ош шаарынын командасы табылды. Алар финалда Бишкек шаарынын командасын 3:1 эсеби менен жеңип алышты. Коло байге үчүн болгон беттеште Нарын шаарынын командасы Ысык-Көлдү 4:2 эсебинде утуп алган.

Оюндар бүткөн соң командаларды салтанаттуу сыйлоо аземи өтүп, анда мыкты оюнчулар да аталды.

 

U-14 Кубогунун мыктылары;

 

• Мыкты дарбазачы — Төлөмүшов Канатбек (Ысык-Көл);
• Мыкты коргоочу — Худайбердиев Данат (Бишкек);
• Мыкты чабуулчу — Мансуров Эрхан (Ош);
• Мыкты бомбардир — Эсенбеков Айдан (Нарын);
• Мыкты оюнчу — Талайбеков Арсен (Бишкек);
• Мыкты машыктыруучу — Байгазы уулу Уланбек (Нарын);
• Элдин сүймөнчүлүгү — Жамалдинов Нурислам (Ош).