19°
Россиянын коргоо министри Сергей Шойгу Түндүк Кореядагы иш сапарында аталган өлкөнүн лидери Ким Чен Ын менен Пхеньяндагы курал-жарак көргөзмөсүнө барышты. Анда континенттер аралык баллистикалык ракеталарды, алардын мобилдик учуруучу аппараттарын, танктарды жана башка куралдарды карап чыгышты. Шойгуга Түндүк Кореянын учкучсуз учактарынын эки үлгүсү көрсөтүлгөнү маалымдалды.
Шойгу менен Ким Чен Ындын жеке жолугушуусунда глобалдык жана аймактык коопсуздук темасы боюнча пикир алмашылды. Россиянын министри Пхеньянда корей элинин 1950-1953-жылдардагы согуштагы жеңишинин 70 жылдыгына арналган аскердик парадга катышары айтылды.
Сергей Шойгу аскердик делегация менен Түндүк Кореяга 25-июлда келген. Бул Россиянын жогорку даражалуу делегациясынын 2020-жылдан бери Түндүк Кореяга жасаган биринчи сапары болду.
