19°
НАТОнун баш катчысы Йенс Столтенберг 2024-жылдын октябрына чейин кызматта калаарын альянска мүчө өлкөлөр кабыл алышты. Бул тууралуу аткаминер өзү бышыктады.
Столтенберг: «НАТО боюнча өнөктөштөр менин башкы катчы катары ыйгарым укуктарымды 2024-жылдын 1-октябрына чейин узартууну чечкени үчүн сыймыктанам», — деди.
Столтенберг 2014-жылдан бери НАТОнун баш катчысы кызматын аркалап келет. Анын мөөнөтү эки жолу узартылган. Украин кризисинен улам Столтенберг 2023-жылдын сентябрынын аягына чейин кызматын сактап калды.
Белгилей кетсек, НАТОнун Башкы катчысын расмий шайлоо каралган эмес, альянс аны альянстын бардык мүчө-өлкөлөрүнүн макулдашуусунун негизинде дайындайт.
