6°
Россия Африка өлкөлөрүнүн 23 миллиард доллар карызын кечти. Бул тууралуу президент Владимир Путин Санкт-Петербургда өтүп жаткан Россия-Африка саммитинде билдирди.
Президент кошумчалагандай, Россия Африка өлкөлөрүнө айыл чарба азыктарын жеткирүүнү көбөйтөт. «Африка өлкөлөрүнүн акыркы суроо-талаптарына ылайык, биз бул максаттарга, аларды өнүктүрүүгө 90 миллион доллардан ашык каражат бөлөбүз»,-деди Путин.
Путиндин айтымында, санкцияларга карабастан 2022-жылы Африка өлкөлөрүнө 11,5 миллион тонна, ал эми быйылкы жылдын алты айында 10 миллион тонна эгин жөнөтүлгөн.
Россия-Африка саммити 27-28-июль күндөрү Санкт-Петербургда өттү. Россияга Африканын 54 өлкөсүнөн 49 адамдан турган делегация келди.
