19°
Беш жылдык мөөнөтү аяктап бараткан Пакистандын Улуттук ассамблеясы жана аймактык кеңештери 13-августка чейин таркатылышы мүмкүн. Бул тууралуу жергиликтүү телеканалына Пакистандын Ички иштер министрлигинин башчысы Рана Санаулла билдирди.
Анын айтымында, мындай кадам шайлоо комиссиясынын ишин жеңилдетүү үчүн жасалышы мүмкүн.
«Эгерде 11-августта Эл өкүлдөр жыйыны жана аймактык кеңештер таркатылса, шайлоо комиссиясы 90 күндөн ашык убакытта шайлоого даярдык көрөт», — деди ички иштер министри.
Санаулла парламент тарагандан кийин өлкөнү убактылуу өкмөт башкарып, конституцияга ылайык шайлоо өткөрүлөрүн белгиледи.
Пакистандын Улуттук Ассамблеясынын жана Синд жана Белужистан провинцияларынын аймактык кеңештеринин мандаты 12-августта аяктайт. Пенджаб жана Хайбер-Пахтунхва учурда аймактардын убактылуу башчыларынын милдетин аткарып жаткандыктан, бул эки провинциядагы кеңештер таркатылбайт.
Буга чейин коалициялык өкмөт парламенттик жана аймактык шайлоолор 2023-жылдын 8-октябрында бир күндө өтөөрүн билдирген.
