19°
Арабиялык «Аль-Хилал» футболдук клубу «Пари Сен-Жермендин» бразилиялык футболчусу Неймарды сатып алууга киришти. Бул тууралуу чет элдик спорттук басылмалар жазып чыкты.
Маалыматка ылайык, Сауд Арабиялык клубдун өкүлдөрү футболчунун трансфери боюнча сүйлөшүүлөрдү жүргүзүүгө Парижге келишкен. Клуб футболчунун трансфери үчүн париждиктерге 45 миллион евро, ал эми футболчунун өзүнө 200 миллион евро сунуштайт. ПСЖ клубу Неймар боюнча бардык сунуштарга ыраазы болоору да айтылууда.
Белгилей кетсек, Неймар өткөн сезондо клуб үчүн бардык мелдештерде 29 беттешке чыгып, 18 гол киргизип, 17 пас берген. Transfermarkt маалыматына ылайык, бразилиялык футболчунун базар баасы 70 миллионго бааланган.
