6°
Кыргызстандын футбол боюнча улуттук курама командасынын вице-капитаны жана бомбардири Мирлан Мурзаев Вьетнамдын жогорку лигасындагы «Ханой» ФК менен келишим түздү. Бул тууралуу Кыргыз футбол союзунан билдиришти.
Белгилей кетсек, өткөн сезондо Мурзаев «Мохаммедан» футбол клубу үчүн Индия чемпионатында ойногон, анда 11 беттеш өткөрүп, 2 гол киргизип, 3 голдук пас берген.
Мурзаевдин КР улуттук курамасында дебюту 2009-жылдын 28-мартында Непал менен болгон беттеште болгон. Ал улуттук курамада 59 беттеш өткөрүп, 16 гол киргизген.
Мирлан Мурзаев «Ханой» клубунда 99-номерде ойнойт. Вьетнамдык клуб өз күйөрмандарына улуттук кураманын бомбардирин өзгөчө видео менен тааныштырды.
