12°
Франциянын президенти Эммануэль Макрондун Париждеги расмий резиденциясына белгисиз адамдар адам манжасы менен кат жөнөтүшкөн. Бул тууралуу чет элдик басылмалар жазышууда.
Маалыматка ылайык, Елисей сарайынын кат алышуу бөлүмү катты 9-10-июлда почта аркылуу алган.
Конвертте адамдын кесилген манжасы болгон. Окуя салттуу түрдө 14-июлда белгиленүүчү Бастилияны алуу күнү улуттук майрамынын алдында болду. Бармакты полиция кызматкерлери тамак-аш сактаган муздаткычка коюшкан.
Кийинчерээк полиция манжага ээлик кылган адамды табышкан. Башка маалымат берилген жок.
Елисей сарайы кырдаал боюнча комментарий берүүдөн баш тартты.
