12°
Эл аралык Ала-Тоо университетинин базасында Инновация жана IT медицина университети түзүлөт. Бул тууралуу Билим берүү жана илим министри Каныбек Иманалиев 18-июлда коллегияда билдирди.
Анын айтымында, бул жерде 5 жаңы кесип окутулат:
— климаттын өзгөрүшү;
— урбанизация;
— жасалма интеллект,
— логистика,
— IT-медицина
Иманалиев кесиптик башталгыч билим берүү тармагында биргелешкен кыргыз-орус, кыргыз-өзбек жана кыргыз-кытай лицейлерин түзүү боюнча меморандумга кол коюлганын, 8 колледж Педагогикалык чеберчилик борбору деп таанылганын жана Ош мамлекеттик университетинде М.Ломоносов Москва мамлекеттик университетинин борбору болорун, октябрь айында Россиянын президентинин Кыргызстанга болгон иш сапарынын алкагында Каракол шаарында Москва мамлекеттик университетинин филиалын ачуу боюнча келишимге кол коюларын кошумчалады.
Министр 2024-жылы Кыргызстандын Билим берүү министрлигине 100 жыл болорун айтып, “Билим бардыгы үчүн – мүмкүнчүлүктөр бардыгы үчүн!” аталышындагы глобалдык форумун өткөрүү пландалып жатканын баса белгиледи.
