Кыргызстанда картошканы экспорттоого тыюу салынабы?

Автор

Кыргызстанда картошканы экспорттоого тыюу салуу каралууда. Бул тууралуу Суу ресурстары, айыл чарба жана кайра иштетүү өнөр жайы министрлигинен билдиришти.
Маалыматка ылайык, мындай чара социалдык мааниге ээ азык-түлүктөргө болгон баалардын негизсиз жогорулашын алдын алуу, ошондой эле азык-түлүк коопсуздугун камсыз кылуу жана азык-түлүк товарларына бааларды туруктуу кармоо максатында көрүлүүдө.
Эске салсак, 2025-жылдын 1-февралында министрлер кабинетинин төрагасынын орун басары – суу ресурстары, айыл чарба жана кайра иштетүү өнөр жай министри Бакыт Төрөбаев өлкөдөгү азык-түлүк бааларына байланыштуу маселелер боюнча кеңешме өткөргөн.
Анын жүрүшүндө Экономика жана коммерция министрлигине, Антимонополдук жөнгө салуу кызматына, президенттин облустардагы ыйгарым укуктуу өкүлчүлүктөрүнө, жергиликтүү мамлекеттик администрацияларга жана жергиликтүү өз алдынча башкаруу органдарына азык-түлүктүн баасын тыкыр көзөмөлгө алуу тапшырган.

Бөлүшүү:
Next Post

Эрдоган Рамазан айы башталганга чейин Сирияга сапар пландаштырууда

Түркиянын президенти Режеп Тайип Эрдоган Рамазан айы башталганга чейин Сирияга сапар жасоону пландап жатат. Рамазан 1-мартта башталат. Сириянын президенти Ахмед аш-Шараа Түркияга 4-февралда келет. Басылманын маалыматына ылайык, Шараа мырза Режеп Тайип Эрдоганды Дамаскка чакырат. Түрк лидери бул чакырууну Рамазан айына чейин кабыл алууну көздөп жатат. Бөлүшүү:

You May Like