12°
Кыргызстанда биринчи жолу сентябрь айында ат күрөшү боюнча чемпионат өтөт. Бул тууралуу парламентте өткөн жыйында спорттук иш-чараны өткөрүү маселеси каралды.
Жыйынга Жогорку Кеңештин вице-спикери Нурланбек Азыгалиев менен Спорт жана дене тарбия департаментинин директору Айбек Абдымомунов катышты.
Маалыматка ылайык, буга чейин Казакстандын Алматы шаарында 9 мамлекеттин башын бириктирген Бүткүл дүйнөлүк ат күрөшү федерациясы түзүлгөн.
Ошондой эле жыйындын жүрүшүндө облустук, республикалык мелдештерге катышкан спортчулардын тамактануусуна каралган сумманы 83-109 сомдон көбөйтүү маселеси көтөрүлдү. Спортту өнүктүрүү жана колдоо жаатындагы мыйзамдарды өркүндөтүү боюнча сунуштар айтылды.
