12°
АКШнын Гарвард университетинин илимпоздору адамдын денесиндеги картаюу процессин токтото ала турган дарыны тапканын Daily Mail басылмасы жазды.
Изилдөөнүн авторлорунун бири, профессор Дэвид Синклэрдин айтымында, бул препарат лабораториялык чычкандарда гана сыналган, бирок адамда сыноо кийинки жылы башталат.
Дарынын курамына бир нече жылга созула турган жашартуучу таасири бар алты химиялык кошулма кирет. Анын жаратуучулары анын жардамы менен картаюунун сырткы көрүнүштөрүнөн гана эмес, ошондой эле жаш куракка байланыштуу көптөгөн оорулардан да арылууга болот деп үмүттөнүшөт.
