13°
Египетте англиялык «Ливерпуль» жана Египет курама командасынын жылдыз футболчусу Мохамед Салахтын үйүн белгисиз адамдар тоноп кетишти. Бул тууралуу «Аль-Ахрам» гезити жар салды.
Маалыматка ылайык, кылмыш тууралуу Салахтын жакындары кабарлашкан. Окуя болгон жерге Каир шаарынын тергөө бөлүмүнүн кызматкерлери жөнөтүлгөн. Кол салгандар футболчунун үйүнөн бир нече электр шаймандарын алып чыгышкан. Учурда тергөө иштери жүрүп жатат.
30 жаштагы чабуулчу бул сезондо «Ливерпуль» үчүн жалпы мелдештерде 38 беттешке чыгып, 22 гол киргизип, 11 пас берген.
