Грузиянын Тбилиси жана башка шаарларында премьер-министр Ираклий Кобахидзенин өлкөнүн Евробиримдикке кошулуу боюнча сүйлөшүүлөрү 2028-жылга чейин токтотулганын билдиргенден кийин нааразычылык акциялары башталды.
Парламенттин алдындагы нааразычылыкка өлкөнүн башкаруучу партиясы – “Грузиянын кыялы” менен ачык конфликти бар президент Саломе Зурабишвили кошулду. “Мен бул жердемин. Бул адамдар менен биргемин. Колумдан келген жерде жана ар дайым болом. Бизге жаңы шайлоо өткөрүлмөйүнчө токтобой турган каршылык башталды. Бул максат өлкө ичинде да, сыртында да бар. Биз багынып бербешибиз керек”,-деп билдирди.
Грузин полициясы менен митингге чыккандар кагылышып, үч ички иштер кызматкери жана бир нече журналист жабыркады.
Грузиянын Ички иштер министрлиги Тбилисидеги митинг демонстрациялар жөнүндөгү мыйзамдын алкагынан чыккандыктан мындай чаралар көрүлгөнүн түшүндүрдү.
Бүгүндөн тарта GoBus Нарынга каттамдарын кайра баштады
Бүгүн, 29-ноябрдан тарта GoBus күнүмдүк каттамдары баштай тургандыгын Туризмди өнүктүрүүнү колдоо фондунан билдиришти. Учурда каттоо убактысы өзгөргөндүгү такталды. Транспорт бир убакта – саат 11.30да Бишкектен да, Нарындан да жөнөйт. Борбор калаада GoBus дагы эле Ибраимов көчөсүнөн (Өчпөс от аялдамасы), Нарында Усубалиев аянтынан башталат. Жол боюнда эки аялдама болот – Балыкчы […]
