13°
Бүгүн, 22-сентябрда Сербияда өтүп жаткан дүйнө чемпионатында грек-рим күрөшү боюнча эки кыргызстандык балбан таймашка чыгат.
62 кг салмакта Жоламан Шаршенбеков жана 97 кг салмакта Бексултан Махмудов күрөшөт.
Шаршенбековдун бул дүйнө чемпионатындагы биринчи беттеши 1/16 финалдан башталып, ал литвалык Юстас Петравичюс менен күч сынашат.
Бексултан Мадмудов да 1/16 финалдан баштап таймашка чыгат. Ал ким менен күрөшөрү азырынча белгисиз. Махмудовдун атаандашы грециялык Лаократис Кесидис жана египеттик Мохамед Али Элсаед Габрдын ортосундагы беттеште аныкталат.
Сербиядагы дүйнө чемпионаты 16-сентябрда башталган, ал 24-сентябрда жыйынтыкталат.
